Mintzamenarekin eta ahozko elkarreraginarekin jarraituz

Aurreko mintegi saioan hasitako lanarekin jarraituko dugu aste honetan. Ikasleekin  mintzamena lantzeko zenbait ariketa edota prozedura aztertu genuen eta oraingoan atenzioa ipiniko dugu ikasleen arteko elkarreraginean, zenbait baliabide , “jolasak”, aztertuz.

Ariketa edo “jolas” hauen helburua izango da beti ikasleek aurrez jorratu duten gaiari buruz elkarrekin hitz egin dezaten  ikasitakoa ondo finkatzeko, gainbegirada egiteko edota buruz  ikasi ahal izateko. Adibideok aztertuta, testu liburu batean oinarrituta antzeko materialak prestatzeari ekingo diogu eta wikian ezarri, denok denona eskura edukitzeko.

Mintzamena eta ahozko elkarreragina

Argazkia: Jakintza Ikastola

Hona hemen Ahozkotasuna ikasgeletan lantzeko zenbait material interesgarri:

• Zeri erreparatu behar diogu ahozko jarduerak planifikatzerakoan?

Mintzamenak eta ahozko elkarreraginak barne hartzen dituzten azpi-konpetentzien deskribapena.

• Zer egin dezake arloko irakasleak bere ikasleek hizkuntza berria beregana ditzaten ikasgelako gainontzeko edukiak bazter utzi gabe?

Hizkuntza curriculum edukien bidez lantzerakoan kontuan izan beharreko zenbait aspektu eta ereduzko ariketak SIOP ereduaren materialetan.

Bileraren ondorengoak

• Gogoratzen duzuenez,  ACCP Bakerako Lankidetza Batzarrea GKEak badu interesa euren proposamen didaktikoa mintegi saio batean azaltzeko. Geratu ginen bezala euren webgunea bisitatuko duzue eta, ondoren, beheko inkesta beteko duzue zuon iritzia emanez:

• Buruzko mapei buruzko oinarrizko informazioa Lehen Hezkuntzako blog honetan aurkituko duzue.

• Zuotariko batzuek wikiari buruzko tutorialaren beharrean aurkitu izan zarete noiz edo noiz. Orain eskuragarri daukazue wikian bertan bat, orokorra, gaztelaniaz. Bestetik,  euskaraz  B06 Berritzeguneko Elkarbizitzako mintegiko wikian topatu ahal duzue oinarrizko informazioa; hau da, nola idatzi, estekak egin eta dokumentuak igo.

• Datozen mintegi saioetan buru belarri sartuko gara ahozkotasuna lantzen, eta wikia erabiltzen gure ekarpenak konpartitzeko, nola ez.