Berba-Lagunak proiekturako materiala prest!

ikasleen arteko elkareragina bideratzeko gidoi eredua

Denbora luzez lanean arituta lortu berri dugu Matilde Martinez Sallés- en materialetan oinarritutako gure egokitzapena egitea.  Berak aurkeztu zigun “Parelles Lingístiques” proiektua oso interesgarria iruditu zitzaigun arrazoi askorengatik, baina bereziki,  eskaintzen zuelako aukera bat ikasleak benetako elkarreraginean aritzeko ikasten ari diren hizkuntzan.

Gure eskualdeko  ikastetxe eta ikasleen beharretara egokitzeko materialaren parte bat  euskaratu dugu, eta zenbait moldaketa egin dugu Lehen Hezkuntzako ikasleek, ere,  era autonomoan erabili ahal izateko. Orain artean prestatu dugun materiala mintegiko wikian daukazue erabilgarri.

Elkarrizketak egiteko gidoiak eta beste

Flickr cc-tik hartua

Bagabiltza Berba- lagunen proiektuko materialari azken ikuituak ematen. Momentuz lau elkarrizketetarako gidoiak atontzen gabiltza: “Eguneroko ekintzak”, “Eskola”, “Familia” eta “Aurkezpen Pertsonala”.  Etorriko dira besteak…

Datorren asteartean, beraz, ohikoa dugun bezala, mintegiaren hasieran kide baten aurkezpena izango dugu, oraingoan Unkinako Aitorrek aurkeztuko du bere materiala eta wikian txertatuko du. Gero  Prestakuntza orokorrari buruzko informazioa zabalduko dugu eta talde lanarekin jarraituko dugu.